નથી જાણતો !!
રહ્યો છું ખૂદને ઓળખી હું એકલા એકાંતમાં,
છું અજમ્પિત હું જ કે હું ખુદને પણ નથી જાણતો.
છે બગીચો ક્યાંક મુજમાં, પુષ્પો પણ ખીલ્યાતા અહી,
જોને ખુદથી જ દુર થઇ બેઠોએ પણ હું નથી જાણતો.
કહેતો રહ્યો હું સર્વને, કે સ્વાર્થ છે નહિ મુજમાં લગીર પણ,
સ્વાર્થથી જ તો જીવતો હતો! એ પણ હું નથી જાણતો.
જોઉં છું હું ખુદને જ! અથમતો અહિ આજ ક્યાંક!!
સુદ-બુદ કેમ હું ખોઈ બેઠો! એ પણ હું નથી જાણતો.
હું કરું તો શું કરું?? અસ્વસ્થ છું ! નિસહાય છું !!
ખુદને જ જોઈ રડી બેઠો એ પણ હું નથી જાણતો.
ગુચાઉ છું હું જ ખુદ મારા જ સબંધોની કસોટીએ,
મારા સ્વાર્થને લાગણી કહી બેઠો એ પણ હું નથી જાણતો.
ઊગ્યો હતો છોડ લાગણીનો, ક્યારેક બીજથી એ પ્રેમના,
નિન્દણ સમજી હું જ હણી બેઠો ! એ પણ હું નથી જાણતો.
આજે જ મેં છે જાણ્યું કે શું છે સાચું 'સત્ય' મારું,
ખુદ નેજ ખુદ થી ખોઈ બેઠો એ પણ હું નથી જાણતો.
- 'સત્ય' શિવમ
No comments:
Post a Comment