Sunday 25 August 2013

હું ક્યાંક ના ડૂબી જઉં..........








હું ક્યાંક ના ડૂબી જઉં, મોતીની શોધમાં,
જ્યાં પથ્થરો મળતા રહ્યા, ઇશ્વરની શોધમાં!  

ના ટોકતા કોઈ હવે, મુજને આ ધ્યાનમાં,
હું ક્યાંક ના જાગી જઉં, નિંદરની શોધમાં!

આ કુંપળો ફૂટી પછી, એ જાણ થઇ ફળદ્રુપ છું!
હું ક્યાંક ના રસતાળ રઉં, ખેતરની શોધમાં!

એથી તમારા હાથમાં કોઈ, મંત્ર હોવો જોઈએ!
સઘળે તમે મળતાં રહો, તંતરની શોધમાં!

એ વાતથી ડરતો રહ્યો છું, હું સનમ આ પ્રેમથી!
તું ક્યાક ના જાકારો દે, મંઝલની શોધમાં!

આ પ્રેમને પણ આખરે,છે તૃપ્તતાથી થઈ અસર!
તું ચાલતાં થંભી ગઈ,  ઝાંકળની શોધમાં!
    
આ 'સત્ય'ને મારા લગી, કોઈ હવે લાવો નહિ!
હું ક્યાંક ના સળગી જઉં! ઉત્તરની શોધમાં!

                                                 - 'સત્ય' શિવમ    
            

Saturday 17 August 2013

યાદ જરા તું પણ, મને કરતી તો હોઈશ......!







દર્પણને જોઈ, મને મળતી તો હોઈશ!
યાદ જરા તું પણ, મને કરતી તો હોઈશ!

ઝોકાંથી ઉડતી, એ કાળી લટોને તું!
હળવેથી કાનો પર, મુકાતી તો હોઈશ!
                                                     યાદ જરા તું પણ........

જોવે ન'ઈ કોઈ એમ, ડાયરીનાં પાનાં પર,
નામ મારું તું પણ, ક્યાંક લખતી તો હોઇશ!
                                                    યાદ જરા તું પણ.......

યાદ મારી આવે ત્યાં! ધાબા પર બેસીને!
ચાંદ સાથે વાતો પણ, કરતી તો હોઈશ!
                                                   યાદ જરા તું પણ........

નામ મારું આવે ત્યાં, અંદર ને અંદર તું!
શરમાઈ થોડું, મલકાતી તો હોઈશ!
                                                   યાદ જરા તું પણ..........
અંદરથી હોય ભલે દુઃખનું સમુંદર! પણ
લોકોની માટે તું હસતી તો હોઈશ!
                                                   યાદ જરા તું પણ............

ભીની એ આંખોનું, કારણ કોઈ પૂછે તો!
કંકરનાં નામે તું, રડતી તો હોઈશ!
                                                 યાદ જરા તું પણ...........

હાથોમાં હાથ એમાં, ફરવાનું સાથે!
એમ સ્વપ્નોમાં, રોજ મને મળતી તો હોઈશ!  
                                                 યાદ જરા તું પણ...........

                                                 - 'સત્ય' શિવમ

કોનો પ્રભાવ છે....?






કોની થયી આવી અસર? કોનો પ્રભાવ છે?
છે હજુ પાસે બધું, તો પણ અભાવ છે??

પ્રાણનાં છૂટ્યા પછી, શ્વાસોની આ ગતિ??
કોણે કરી આવી દુઆ? કોનો નિભાવ છે??

નિસ્તેજ આ મુખબિંબ ને, રેખા વિચારની!
શું બની ઘટનાં નવી? કેવો બનાવ છે??

એમાં તમારાં ગાલ પર, આ ખંજનો પડતાં રહે!
શું ખાનગી એ રાઝ છે? શેનો ઉઠાવ છે??

એકીટશે જોઉં તને, તો સંશયો કરતી નહિ!
જોઈ કળા કરવી કદર, મારો સ્વભાવ છે!

એક માત્ર તારા સ્પર્શથી, પિત્તળ મટી સોનું થયો!
જાદુઈ તારાં સ્પર્શમાં, કેવો તપાવ છે??

જે  ડાળ પરથી મેહેક્તા, એ ફૂલ તું ચુંટતિ હતી,
એ વૃક્ષને આ સ્પર્શથી, કેવો લગાવ છે!
    
એ વસંતી માદનાં પણ, ઓરતાં આવી ગયા!
તે છતાં એ ડાળમાં, કેવો જુકાવ છે!

ના રાખ તારાં 'સત્ય'ને, આવી રીતે જગથી છૂપું!
છે ઈશ કે એની કૃપા? કોનો નિમાવ છે??

                                         - 'સત્ય' શિવમ    

તમે છો તો લાગે.........







તમે છો તો લાગે કે, ઉપવન બધે છે!
તમે જો ના હો તો, દિશાઓ લડે છે!

હવે શૂન્યતા પણ પળોજણ કરે છે!
પૂછે છે મને, એ ક્યારે મળે છે??

તમારી આ ચુપકીનું, તારણ શું કાઢું?
હવે મૌન મારું, જ બોલી ઉઠે છે!

ના જુઓ બંધ નજરો કરીને આમ મુજને!
શરમ જેવું કંઈક, મને પણ નડે છે!

એ ઈશની હું તમને આપી જ દુઉ ઉપાધી,
હયાતી તમારી કણ કણમાં મળે છે!

હજુ પણ છે સંતોષ મને ફક્ત એનો!
તમારી આ છાયા નજર તો ચડે છે!

                              - 'સત્ય' શિવમ

  

Thursday 15 August 2013

મિજાજી ફિતરત ,........










ફિતરત તારી હંમેશથી, મિજાજી રહી છે,
તેથી અધુરી પ્રેમની, આ બાજી રહી છે.

દર્દ દીધા તેં મને, આ જે દવાનાં નામ પર,
એ જ થી તો સેહત જરા, આ સાજી રહી છે!

હું બુલંદી પર ઉભો છું, એકલો એક વાર જો!
ને મને નાદાન દુનિયા, વકાસી રહી છે!

એમ જોકે પી રહ્યો છું, માદને પણ તે છતાં,
જિંદગી આ ઝેરની, જો પ્યાસી રહી છે!

કંઈક ત્યાં એ શેહેર જેવું, પણ ઉભુતું માર્ગમાં!
એજ જન્નતને નજર, આ તપાસી રહી છે!

તારી ઉપર મારી નજરો, ના રહી પણ તે છતાં!
ચાંદ પર મારી સદા, એક અગાશી રહી છે.

સ્વપ્નસૃષ્ટિ ને હકીકતમાં, હવે શું ભેદ છે!
મારી દુનિયા સ્વપ્ન, થઇને રાચી રહી છે!  

ચલ કરું હું લક્ષથી, ઉપર જરા થોડી સફર,
એમતો આ સરહદો'ય, વિકાસી રહી છે!

હું તને કેહતો નથી કે, તું મને આવીને મળ,
તે છતાં નજરો તમારી, પ્યાસી રહી છે!

'સત્ય' છે કે હું સ્વભાવે, ફૂલથી પણ નમ્ર છું!
તો'ય ફિતરત મારી, પણ નવાબી રહી છે!

                                        - 'સત્ય' શિવમ

www.facebook.com/meshivasatya









  




Wednesday 14 August 2013

પ્રેમ......








પ્રેમ જો કોઈ થાય તો, ખુદ્દારી હોવી જોઈએ,
થઇ ફના મારવાની પણ, તૈયારી હોવી જોઈએ!

એમ ક્યાંથી બંધનો, નડતાં રહે આ પ્રેમને!
પ્રેમની સરહદ જરા, વિસ્તારી હોવી જોઈએ!

એ અચાનક આવીને, ઉજ્જડ કરીને જાય છે!
આ પ્રેમની છેલ્લી ઘડી, આસારી હોવી જોઈએ!

પોચાં હૃદયથી પ્રેમ જેવી, ચીજ તો કંઈ થાય નઈ,
એ અંતનું કારણ અહી, નાદારી હોવી જોઈએ!

પણ અહી મળતા રહે, હર એક પગલે ઝાટકાં,
પ્રેમમાં મળતી વફા, એકધારી હોવી જોઈએ!

આ ખરું કે તાલ પર, એનાં રહું હું નાચતો,
જિંદગી પણ થોડી તો, બેચારી હોવી જોઈએ!

જે બતાવે હસ્તરેખા, એ સદા જોતો રહું?
આ મુક્કદરને જરા લાચારી હોવી જોઈએ.


                                    - 'સત્ય' શિવમ




 

નવી શરૂવાત......









વિતી ગઈ, વીતી ગઈ! એને ફરી ના યાદ કર,
છોડ જે ચાલ્યું ગયું! તું ચલ નવી શરૂવાત કર!

છે પરિવર્તન નિયમ, સંસારનો એ જાણ તું! થઈ,
બેફીકર ચલને ફરી તું યુદ્ધનો આગાઝ કર!

રાત ઢળતી જોઇને, સુરજમુખી થઇ ઢળ નહિ,
કર દીવો અંતર મહી! ને તેજ લઇ તું પ્રભાત કર!

એકાદ-બે ક્ષણ થોભ જે, આખો નજરો દેખ જે!
ને તું બની અર્જુન ફરી, આ યુદ્ધનો અભ્યાસ કર!

જો તું હવે થોભે કદી આ માર્ગમાં અડધે ફરી!
તારો થયો'તો હાલ જે એ હાલને પણ યાદ કર!

આ લાગણીનાં જળ ભવરમાં એ તને ખેચી જશે!
એ પ્રેમનાં કપરાં થયેલા અંતને પણ યાદ કર!

આ માર્ગમાં ઠોકર જડે, તો હારનાં માનીશ કદી!
જે અંતમાં આવી ચડે એ જીતને પણ યાદ કર!

કરવા ખુલાસા 'સત્ય'નાં, તું પણ હવે મથતો નહિ!
છે આંધળી એ ન્યાયની મુરત બધે તું યાદ કર!

                                                 - 'સત્ય' શિવમ



 

  

        
  

Tuesday 13 August 2013

ઓ જિંદગી.....!








એમ તો હું પણ મિજાજી, છું ઘણો ઓ જિંદગી,
તારી આ ખાનાખરાબી, પાસ તારી રાખજે!

ઠોકરોને લાત મારી, હું વધુ છું માર્ગમાં,
તારી આ ગુસ્તાખગીરી, પાસ તારી રાખજે!

હસ્તરેખાનાં ભરોસે, હું કદી રેહતો નથી!
એકધારી આ ગતિને, પાસ તારી રાખજે!

કોઈને નમવું એ, મારો ધર્મ ક્યાં છે! નાસમજ,
ઈશની આ જી-હજૂરી, પાસ તારી રાખજે!

એ મોતનો પણ ડર, આ મારી આંખ ટકશે નહિ!
આ પાંગળી બેકાર, વૃત્તિ પાસ તારી રાખજે!

હું કરું છું એજ જે, મારા હૃદયને દે સુકુન!
તારી આ દરમ્યાનગીરી, પાસ તારી રાખજે!

હું આગ છું બળતો રહીશ! એ રાખની પણ આડમાં,
છે દુઃખ ભરેલી જે હવા, એ પાસ તારી રાખજે!

છું 'સત્ય' હું, સ્વાદે બધાંથી તીવ્ર છું ઓ જિંદગી!
આ પોમલી તારી દલિલો, પાસ તારી રાખજે! 

                                                     - 'સત્ય' શિવમ

Sunday 4 August 2013

ખુદને મળ્યો છું દોસ્ત.........!








કેટલાં પ્રયત્નો બાદ હું, ખુદને મળ્યો છું દોસ્ત!
જાણે રણને પ્યાસ દઇ, પાછો ફર્યો છું દોસ્ત!

ક્યાંક હું ભટકી ગયો, ક્યાં દિશાનો ભ્રમ થયો,
તપતાં હવે ભરતાપમાં, રસ્તો કળ્યો છું દોસ્ત!

હું શિષ લઇ ફરતો રહ્યો, ઈશ્વેરની શોધમાં,
ખુદને જડ્યો એ બાદ, હું ઈશને મળ્યો છું દોસ્ત!

મારાં હતાં એ ભ્રમ હતો, સમજી ગયો હું, આખરે!
તો'ય હું એ સર્વને કેટલો ફળ્યો છું દોસ્ત!

છોડી ગયા છે એ મને એહસાન છે એ એમનો!
ચુપચાપ જીવવાની કળા શીખતો ગયો છું.દોસ્ત!

ખાલીપણાથી શેષ કોઈ માદ જેવું ક્યાં હવે!
બેઠાં હવે હું એકલાં બબડી રહ્યો છું દોસ્ત!

ખુદથી વધુ જ્યાં પ્રેમ અહિયાં કોઈને પણ થાય નહિ!
 જાલિમ દુનિયાની પ્રથા હું સમજી ગયો છું દોસ્ત!

એમ તો આ 'સત્ય' પણ છૂપું કોઈથી ક્યાં રહ્યું!
ખુદમાં રહેલાં ઈશને પરખી ગયો છું દોસ્ત!

                                          - 'સત્ય' શિવમ

                                                                  


 








Love And Life....

Love makes sense in life only in two ways,
Either it will make you or it will break you!
But, after the abundance of love in life.
Life never remains unchanged..!!         - 'Satya' Shiva

Saturday 3 August 2013

Happy ફ્રેન્ડશિપ ડે ..... :)







ઈશ્વર પાસેથી પોતાનાં પ્રેમની માંગણી કરો...!
એ પેહલાં, એક ખાસ મિત્રની માંગણી જરૂર કરજો!

જે માત્ર ફ્રેન્ડશિપ ડે પર જ નહિ રોજ તમારી સાથે રહે...
અને તમારાં કહ્યા વગર જ તમારા દુઃખ અને સુખમાં ભાગીદાર બને.., જેને તમારા પ્રત્યેક આંસુઓનું કારણ અને કિંમત બરોબર ખબર હોય...!

કેમ કે, પ્રેમ માટે કંઈ પણ કરી છૂટવાની લાગણી ધરાવતા આપણે, જયારે એજ પ્રેમને ખોવી બેસીએ છીએ,,....
ત્યારે એ જ મિત્ર આંસુ લૂછે છે.....!  

મિત્રો મને તમારી જરૂર છે... અને હંમેશા રેહશે....

                                                                                                                      - 'સત્ય' શિવમ 

Wednesday 31 July 2013

ખુલ્લી કિતાબ છું......








નાં દેખ સંદેહથી, ખુલ્લી કિતાબ છું,
તોય હું તુજથી હજું, કેવો અતાગ છું!

જાતથી હું એમ તો, સંપૂર્ણ રાગ છું!
ચાંદ, સુર્ય, આભને ધરતીનો ભાગ છું.

ક્યાંક હું છલકી જઉ, માતાનાં પ્રેમમાં,
ક્યાંક ઈર્ષા-ક્રોધની બળતી હું આગ છું!

મેઘમાં વરસી જઉં, જળમાં હું સ્નેહ થઇ,
ક્યાંક કોઈ ખેતમાં જળની હું પ્યાસ છું!

ક્યાંક હું નજરે ચડું, કડકડતી ભૂખમાં,
ક્યાંક તુટતા ઘર મહી બનતી તિરાડ છું!

ક્યાંક શંખ નાદ થઇ, ગુંજુ હું યુદ્ધમાં,
તો ક્યાંક ભસ્મ સાથ હું, ડમરુંનો નાદ છું!

છે 'સત્ય' શું વાતનું નાદાન તું સમજ,
હર એક તારા પ્રશ્નનો, પુરતો જવાબ છું!  

                                - 'સત્ય' શિવમ  

Sunday 28 July 2013

બનીને નીકળું છું!







ક્યાંક વિતેલી પળને મળવા, શ્વાસ બનીને નીકળું છું!
હું મેહ્ક લઇ ભમરાને છળવા, ભાસ બનીને નીકળું છું!  

હર એક ગઝલમાં એજ ગતિને, એજ છંદને, એજ કાફિયો,
લઇ કલમ કાગળને મળવા પ્રાસ બનીને નીકળું છું!

એક કિરણ પડતાંની સાથે, બિંબ લઇને શીશ ઉઠાવે!
ભેજ લઇ સુરજને મળવા ઘાંસ બનીને નીકળું છું!  

ઢળતો સૂરજ જોતાં જોતાં ધરતી જો ફરિયાદ કરે છે!
તેજ લઇ સંધ્યાને મળવા, ચાંદ બનીને નીકળું છું!

દુર ક્ષિતિજે બેસી કોઈ, પ્રિતમ તારી વાટ નિહારે,
સાંજ ઢળે ધરતીને અડવા આભ બની નીકળું છું!

પ્રેમ કરે છે અંધ બની જે, કોઈ બંધ ના કોઈ માંગણી!
રાસ લઈ રાધાને મળવા, શ્યામ બનીને નીકળું છું!

કોઈ અહંમ ને સાથ લઇ, છો અણગમતો વ્યવહાર કરે!  
હું દૂધ મહી સાંકર થઈ ભળવા સ્વાદ બનીને નીકળું છું!

હોય હાથમાં કોઈ જોખીયું, થાય 'સત્ય'નાં એમ ખુલાસા!
કંઠ લઇ વિષને પારખવા, નાથ બનીને નીકળું છું!

                                                         - 'સત્ય' શિવમ




वादा तो नहीं था.....








जिंदगी से कोई ऐसा वादा तो नहीं था,
मिलके यूँ बिछड़ने का इरादा तो नहीं था

था सपनो में ही शायद कुछ लाम्हा में इसदर,
थी खुली ये आंख पर वो नज़ारा तो नहीं था!

ज़िन्दगी से फेरली थी इस लिए ये नज़रे,
हो के जुदा यूँ जीने का कोई वादा तो नहीं था.

हो गई थी इस कदर रुसवा हम ही से ज़िन्दगी,
बढ़कर तुझ ही से और कुछ - माँगा तो नहीं था?

नासूर थे ये ज़ख्म् भी लम्हों की आग से,
और गम भी ज़िन्दगी से माँगा तो नहीं था!

बेपरवाह था ये माना, उस वक़्त से भी लेकिन,
नादान था में एय खुदा, दीवाना तो नहीं था!

क्यों हर घडी रोती रही, ये आँख भी कुछ इसतरह?
ज़िन्दगी थी वो मेरी, कोई जनाज़ा तो नहीं था!

                                                    - 'सत्य' शिवम्




Sunday 7 July 2013

અકબંધ ચોમાસું
















એ આભ કેટલો પ્રેમ કરતુ હશે ધરતીને,
તપતી ધરાને જોતાં જ રડી પડે છે!
અને
ધરતી પણ જાણે એ આંસુઓનું આચમન કરતા જ,
સોળે શણગાર સજી ઉઠે છે!

કંઈક તો હશે આ આભ અને ધરતીનાં પ્રેમમાં,
ક્યારેય એક-મેકને મળતાં નથી.
છતાં,
એ સ્પર્શ અને સંસર્ગ વિહોણા પ્રેમમાં પણ,
એટલો જ નશો છે!

જાણે,
આભ વરસીને ધરતીને આશ્વાસન આપતું હોય,
એની હાજરીનું!
સાબિતી આપતું હોય તેનાં અનહદ અપાર પ્રેમની!
અને
જાણે પ્રમાણ આપતું હોય એનાં પ્રેમ માટે કઈ પણ કરી છૂટવાની,
ક્ષમતા  અને ત્યાગનું!

અને વળી ધરતી પણ જાણે ઉત્તરમાં,
સોળે શણગાર સજતી હોય!
જાણે પલળતાંની સાથે જ ખીલી ગઈ હોય એમ,
આભનાં પ્રસ્તાવની સ્વીકૃતિ કરે છે!
અને અંગ અંગથી મેહ્કી ઉઠે છે!

કંઈક તો જાદુ હશે આ ઋતુમાં!
એ ધરતીને આભનાં પ્રેમનાં નશાથી,
તું અને હું પણ ક્યાં બચી શક્યા હતા??

એ પેલું વરસતાં આભમાં હાથ ખોલીને પલળવાનું,
જાણે,
નશામાં તરબતર!

ચેહરા પરથી સરકતી એ બુંદોને પીવાની,
એક-મેકની આંખોમાં આંખ નાખી,
એ પ્રેમનાં નિર્ભય, અચલ, નિરધારનો એકરાર કરવાની!

એકમેકનું નિસ્વાર્થ સમર્પણ!
અને પ્રેમની હુંફને વગર શબ્દોએ,
બસ આંખો-આંખોમાં સ્વીકારી લેવાની,
એ અનુભૂતિ ક્યાંથી ભૂલાય?    

અને અચાનક જ જાણે,
એ બે પ્રેમી છૂટાં પડી જતાં હોય!
એમ એ ચોમાસું ઓસરી ગયું!

અને,
આવ્યો એ જ લાંબો વિરહ,
એ જ પાનખર, એજ ધગધગતો ઉકળાટ!
અને
એ જ લાંબી રાહ!

જાણે ધરતી એકીટશે,
આભ તરફ નજર માંડી બેસી રહી હોય।
એના પ્રિયતમની રાહમાં!

ત્યાજ ફરી આવી ચડે,
એ જ મન મૂકીને વરસતુ આભ!
અને ફરી એ ધારા ખીલી ઉઠે!

પણ લાગે છે કે,
મારા વિરહમાં રાહ કંઈક વધુ જ લખી છે!

એ ચોમાસું ઓસર્યું એ પછી,
ઘણા ચોમાસાં આવીને ચાલ્યાં ગયા!
કેટલી'ય વાર એ આભ અને ધરતીનાં પ્રેમનો હું સાક્ષી બન્યો!

પણ,
એ નશાને હું માંણી ના શક્યો!            
પણ તું'ય ,
મારા હૃદયની સુકી ધરાને,
ક્યાં સુધી જોતી રહીશ?

હું જાણું છું કે આપણું ફરી મિલન થશે!
અને ફરી એકવાર એ જ વરસતાં આભમાં,
હાથ ફેલાવી આપણે પલળશું!
ત્યાં સુધી હું સાચવી રાખીશ,
તારું અને મારું એ જ 'અકબંધ ચોમાસું'.

                               - 'સત્ય' શિવમ    

Sunday 23 June 2013

शायद तेरा ही नाम खुदा हे......!






यूँ तो,
केहने के लिए सब कुछ हे।
जीने के लिए चंद ज़रूरी सांसे,
दो आँखे,
जो सच ओर सपनो मे,
अब फर्क करना बखूबी सिख गई हे।
दो कान,
जो अब आसपास के इस शोर शराबे के अलावा भी,
कुछ और सुनना चाहते हे।
एक दीमाग जो तेरा-मेरा सच-जूठ,
इन बातों से कभी फुर्सत ही नहीं लेता!

और,
इन सारी human anatomy के बिच,
हे, एक सपनो से भरा दिल!
जो एक मिनट में तक़रीबन यही कुछ ,
७२ बार धड़कता हे।
और हे वही रोज़ भागती एक दुनिया।

केह्ने को तो वक्त भी गुज़र ही जाता हे!
सुबाह होती ही एक कप चाय और टोस्ट,
और वही भागना शुरू!

ओफ़िस में लोगो के accounts चेक करता हुआ में,
अचानक ही थम सा जाता हूँ।
पता नहीं उन फाईलों में क्या ढूंढने लगता हूँ।
और प्यून को बुलाने के लिए बजती boss की घंटी सुनते ही
अपने खयालो की दुनिया से बाहर वही फाईलें।

कई बार,
नज़रे उस दरवाजे पर चिपक सी जाती हे।
और अचानक कोई मिलता-जुलता चेहरा देख के,
एक मुस्कान सी आ जाती हे!
मगर फिर किसी और को पाते ही,
मायूस आँखें उन्ही फाईलों में जांखने लगति हे।
हर राह, हर मोड़ पे तुझे ढूंढता हूँ।
शायद कही तू मिल जाये!

और रात होते ही!
एक अंजान सा डर!
दिन भर जिन यादों जिन परछाईयों से पिछा छुड़ाता रहा,
वो ही एक romantic फिल्म की तरहा आँखों के सामने आ जाएँगी,
ओर सुबाह होती ही!
पलकों पे छोड़ जाएँगे कुछ बुँदे!
वाही तेरे सपने!

केहने के लिए तो,
उन सपनों में ही अपनी ज़िन्दगी जी लेता हूँ।

और फिर सुबाह होते ही!
एक कप चाय और टोस्ट के साथ,
वही रफ़्तार भरी ज़िन्दगी शुरू!

मुझे लगता हे!
शायद तेरा ही नाम खुदा हे!
क्योकि ना तू मेरे साथ होती हे।
ओर ना ही,
इस दुनिया में मुझे कोई इसी जगाह मिली हे,
जहाँ तेरी परछाई नां हो।

                                         - 'सत्य' शिवा    

         
 

Saturday 22 June 2013

ભોઠી પડી જતી લાગણીઓ...... (અછાંદસ - 2)









આમ તો,


કેહવા માટે બધું જ છે,

જીવવા માટે જરૂરી શ્વાસ!
  
મિનીટમાં આશરે 72 વાર ધબકતું હૃદય,

બે આંખો!

જે ભ્રમ અને સત્યમાં,

ભેદ પરખવાનું શીખી ગઈ છે!

અને એ જ રોજની દિનચર્યા!

એમ તો,

વખત પણ વિતી જ જાય છે!

ઓફીસમાં એ જ ફાઈલોમાં,

લોકોનાં એકાઉનટ્સ ચેક કરતાં,

અચાનક થંભી જતો હું!

ખબર નઈ એ પાનાંઓની વચ્ચે

સ્તબ્ધ થઇ શું શોધું છું!  

પછી અચાનક જાણે ભાનમાં આવી

આજુબાજુ એક નજર કરી ફરી કામે લાગી જાઉં છું!

ક્યારેક પેલા દરવાજા પર

ચોંટી જતી મારી નજર!

અને અચાનક કોઈ ભળતો ચેહરો જોઈ!

એ જ ભ્રમ!

વળી પાછી ભોઠી પડી જતી લાગણીઓ સાથે

એ આંખો ફાઈલો જોવા માંડે છે!

દરેક રસ્તા

અને દરેક વળાંક પર તને શોધું છું!        

અને રાત ઢળતાં!

એ જ એક ડર!

આખો દિવસ જે ભીંતી,

જે ભ્રમને હું અવગણતો રહ્યો!

એ જ નિદ્રામાં અનુભૂતિ અને

લાગણીની માયાજાળ બની આવે છે!

અને સવાર થતાંની સાથે જ,

આંખોનાં નાજુક પોપચાં પર,

ઝાકળ જેવા બુંદ છોડી ચાલ્યા જાય છે!

એ જ તારા સપનાં! 
      

નક્કી જ તારું જ નામ ઈશ્વર હોવું જોઈએ,

 

કેમ કે, નાં તું મારી સાથે રહે છે!

 

ના, આ દુનિયામાં મને કોઈ એવું સ્થાન મળ્યું છે!

 

જ્યાં તારી અનુભૂતિ ન હોય!

 

                                            - 'સત્ય' શિવમ
 

Saturday 15 June 2013

તને મારી ને મને તારી જરૂરત છે,
હવે માયાનાં મૃગને કહો પાછું વળે! 
                              - 'સત્ય' શિવમ







ફૂલ એક કરમાયું, કોરાં ઝાકળની યાદમાં,
ને ક્ષિતિજ પર સુરજ, પણ ઢળતો ગયો'તો.

હું પણ ઉભો'તો ત્યાં, સ્તબ્ધ થઇ એકાદ ક્ષણ,
ને મારો પડછાયો પણ જરા ગળતો ગયો'તો.

કુતુહલ વશ ઢળતી ગઈ, સંધ્યા અચાનક,
ને ચાંદો આકાશે ત્યાં ચડતો રહ્યોયો'તો.

એકલતા ઘેરી ગઈ કાળી એ રાતે ને,
અંદર ને અંદર જીવ ડરતો રહ્યો'તો.

સુમસામ એક રસ્તોને, ઘર પણ અવાવરું,
એ ડૂસકાંનો પડઘો પણ ભળતો રહ્યો'તો.

છોડી એ હાથ મારો કણસ્યો અચાનક!
જેને વર્ષોથી વશમાં હું કરતો રહ્યો'તો!

બોલ્યો એ તારી ને મારી આ સાથે,
છેલ્લી, આખિર ને આ અંતિમ ઘડી છે.

હાથ જોડીને વીનવ્યો મેં અને એકાદ ક્ષણ,
ને થોડી ક્ષણ એને હું કગરી રહ્યો'તો.

પણ આખિર એ છોડીને ચાલ્યો'તો ત્યાંથી,
અંદરથી હું પણ ત્યાં મારતો રહ્યો'તો.

અંતિમ એક ક્ષણમાં જ્યાં આંખો ઉઘાડી,
એ દ્રશ્યને જોતા હું ચોંહકી ગયો'તો!

નીશ્તેજ, નિષ્પ્રાણ, દેહ આંખોની સામે,
અને અગ્નિનો ભડકો પણ બળતો રહ્યો'તો.  

                                          - 'સત્ય' શિવમ

અછાંદસ -1



હા,
કદાચ મારા શરીરમાં,
તાકાત નહિ હોય,
બે  ડગની પણ.....
ના, મારી આંખોમાં તાકાત રેહશે,
એ દ્રશ્ય જોવાની....
પણ છતાં આત્માના,
કોઈ એક ખૂણામાં એ આશા એટલી જ પ્રબળ હશે,
કે, તું આવીશ....
અને
તારા એક માત્ર સ્પર્શથી,
મારો મૃત દેહ ફરી જીવંત થશે!
મીરાંની જેમ તને પ્રેમ કર્યો છે,
મારા શ્યામ મારું ધ્યાન રાખીશ ને???

                                - 'સત્ય' શિવમ
પ્રેમનું વર્ણન શાબ્દિક નહિ,
ભાવાકીય હોવું જોઈએ!
કેમ કે,
પ્રેમમાં નિબંધ શબ્દોથી નહિ,
પણ લાગણીની અનુભીતીથી લખાય છે.     - 'સત્ય' શિવમ 
 

Friday 14 June 2013

વાહ..................!





સવાલ નોખાં છે! જવાબ નોખાં છે!,
આજ-કલ હર કોઈનાં, રૂઆબ નોખાં છે!

આંખ ફાડી બસ તમે, આ ખેલને જોયા કરો,
આજ કલ હર શેખ-ચિલ્લી, ખ્વાબ નોખાં છે.
 
ભૂલ જો કોઈ થાય તો, અહી સર કલમ થઇ જાય છે,
બાદશાહ છે હર કોઈ, નવાબ નોખાં છે!

ઈશ્વર બનીને માનવી પણ, ઘૂમતો દેખાય છે,
ઢોંગ છે ચારો તરફ! વ્યવહાર નોખાં છે!

છે સલામી છે તને, કેવી ઘડી તેં જીંદગી!
હર માર્ગ છે તદ્દન નવો, વળાંક નોખાં છે.

ક્યાં મળે? કોને મળે? કેવી મળે છે? શું ખબર!
આજ કલ આ મોતનાં પણ દાવ નોખાં છે!

                                        - 'સત્ય' શિવમ
  

ઈલાજ કર............



હર ઘડી હર ક્ષણ ભરેલી, શૂન્યતાનો ઈલાજ કર,
આ હૃદયમાં વિસ્તરેલી, વેદનાનો ઈલાજ કર.

છે સૂર્ય તું ને હું હવે, સૂરજમુખીની જાત છું,
હર રોજ ઢળતી આ, ઘનેરી સાંજનો તું ઈલાજ કર.

હા, છોડી ગઈ છે હાથ તું, પણ બંધનો છૂટતા નથી,
મારાં મહી તારાં થયેલા, વાસનો તું ઈલાજ કર.

ના કર પરીક્ષા આ હદે, મારા કરેલા પ્રેમની,
આ ભાસ ને આભાસનાં કોઈ ભેદનો તો ઈલાજ કર!

કોરી પડી આખી ધરા બે બુંદ પણ વરસી નહિ,
આ આંખમાં આવી રડ્યું છે આભ તું ઈલાજ કર.

છે 'સત્ય' કે આ પ્રેમમાં, આવી જલન પણ થાય છે,
હર રોજ ભડકે આ હૃદયમાં આગ છે તું ઈલાજ કર.

                                               - 'સત્ય' શિવમ  

Wednesday 29 May 2013

બે પડછાયા.......






મને એ બગીચે બે પડછાયા મળે છે,
હસે છે, રડે છે, ને પ્રણય પણ કરે છે.

ત્યાં આવે છે ક્યાંથી એક યુવતીની છાયા,
અને યુવક પણ આવીને ભેટી પડે છે.

ફરે છે એ નાખી હાથોમાં હાથ ક્યારેક,
વળી ક્યારે ક્યારેએ  લડી પણ પડે છે.

રડે છે જો ક્યારેક એ યુવતીની છાયા,
ત્યાં હળવેથી યુવક એ આંસુ લૂછે છે.

રડે છે ત્યારે ત્યારે એ યુવક પણ મનમાં,
અને મક્કમ બનીને પાછો ધીરજ ધરે છે.

કહે છે એ યુવક કંઈક હળવેથી એને,
ને યુવતીનાં મુખ પર સ્મિત ફરફરે છે.

વળી ક્યારે ક્યારે આ છાયાંનું જોડું,
સાથે હસીને ખીલખીલાહટ કરે છે.

ક્યારેક ઢળે છે એ યુવતીની આંખો,
બિચારા એ  યુવકને ઘાયલ કરે છે.

ગુસ્સો કરે છે જયારે જયારે એ યુવતી,
ને યુવક ત્યાં એને મનાવવા મથે છે.

નખરાં કરે છે બે-ચાર ક્ષણ એ પાછી,
ને પછી પાછી યુવકનાં ખોળે ઢળે છે.

ને ત્યાંજ આવી પહોંચે છે સંધ્યા અચાનક,
ને પડછાયા અચાનક છૂટાં પણ પડે છે.

કોણ જાણે એને શું દુશ્મની છે એની,
રોજ રોજ આવી એ દખલ શું કરે છે.

પણ મળે છે એ જોડું ત્યાં ફરી રોજ બાગે,
ને ફરી એ પ્રણયનો નિત્ય ક્રમ આચરે છે.

કરે છે એ'ય એવું જે તું ને હું'ય કરતા,
હસતાં, ને ફરતા, વળી ક્યારે ક્યારે લડતા.

હું જોઉં છું એ જોડું ફરી જયારે જયારે,
મને ત્યારે ત્યારે તારી આ યાદો મળે છે.

હું જોઉં છું ત્યાં જ હવે નિશદિન આ જોડું,
ને મને તારું મારું ત્યાં પ્રતિબિંબ મળે છે.

હું રોજ જઈને બેસું છું ખૂણામાં એક સ્થાને,
ને જોઉં છું રોજ કેવાં એ ખીલતાં રહે છે.

ફરી જઈને બેસીશ હું કાલે એ જ બાગે,
રાહ જોઇશ હું તારી! તું ક્યારે મળે છે ?

                                        - 'સત્ય' શિવમ

कुछ ख्वाब थे..........

 

 

 

 

तुटे हुए कुछ ख्वाब थे, कुछ ख्वाब को तोडा गया!

जब जब किया था एतबार, उसका गला घोंटा गया।

 

 

इन्सान के चेहरे अलग, नकाब भी पहना हुआ,

जब आईना सच बोलता, तो आईना तोडा गया।

                                   

                                              तुटे हुए कुछ ख्वाब थे....

 

दो दिल मिले जब भी यहाँ, कोई फूल जब जब था खिला,

                         था जल उठा सारा जहाँ, उस फुल को जुलसा गया।                         

                                         

                                                    तुटे हुए कुछ ख्वाब थे........

 

कुछ चंद लम्हों के लिए, जब भी किया था प्यार तो,

मुजको सदा कुचला गया, मुजको सदा छोड़ा गया।

                                      

                                                         तुटे हुए कुछ ख्वाब थे........

 

जब भी कहा मेनें यहाँ, मंजिल तलक जाना हे अब,

उस ख्वाब को पानां हे अब, कुछ करके दिखाना हे अब।

                                              

 

तब तब ही मेरी राह को, काँटों से क्यों जोड़ा गया?

क्यों क्या हुआ मेरा गुनाह? वो ख्वाब क्यों तोडा गया?

 

                                             

तुटे हुए कुछ ख्वाब थे, कुछ ख्वाब को तोडा गया!

जब जब किया था एतबार, उसका गला घोंटा गया।

 

                                                     - ' सत्य ' शिवा

Saturday 25 May 2013

હજુ યાદ છે......






પેલી વેહલી સવાર, તને મળવાનો વાર,
એમાં પેહલો વરસાદ હજુ યાદ છે.

ભીની ભીની સુગંધ, એમાં ફૂલોનો રંગ,
અને મીઠી તરંગ હજુ યાદ છે.

તને મળતાં એ ગીત! એનું મીઠું સંગીત,
એની વધતી એ પ્રીત હજુ યાદ છે.

નવો મનમાં ઉમંગ, અને ભીંજેલું અંગ,
તારી મેંહદીનો રંગ હજુ યાદ છે.

આંખો આંખોમાં વાત, એમાં ચડતો ઉન્માદ,
તારા હાથોમાં હાથ હજુ યાદ છે.

ઘણાં વર્ષોની તર્સ, પછી પેહલો એ સ્પર્શ,
તારો મીઠો સંસર્ગ હજુ યાદ છે.

તારું મેહ્કન્તું સ્મિત! મારાં મનનું એ મિત,
મારું જીવન સંગીત હજુ યાદ છે.

પછી ઢળતી એ રાત, છુટા પડવાની વાત,
અને રડવાનું સાથ હજુ યાદ છે.  

                                         - 'સત્ય' શિવમ 

Tuesday 30 April 2013

પંચાતીયું ગામ ........


ક્યાં ને કોની થઇ દિવાળી?, સૌ પ્રથમ તો એ કહો!
કોની કિસ્મત થઇ છે કાળી?, સૌ પ્રથમ તો એ કહો!

પંચાતીયું આ ગામ છે! પંચાત એનું કામ છે!
ક્યાં ખુલી ચર્ચાની લારી? સૌ પ્રથમ તો એ કહો!

કોણ કોનું લઇ ગયું? કોણ કોનું ખઈ ગયું?
કોની પોલો થઇ ઊઘાડી? સૌ પ્રથમ તો એ કહો!

દિવાલ આગળ કાન છે! આ જરૂરી કામ છે!
કોને ત્યાં કેટલી છે બારી! સૌ પ્રથમ તો એ કહો!    

ઘર ઘર બધા ફરતાં હશે! ચર્ચા બધી કરતા હશે!
કોના છે શું હાલ આજે?? સૌ પ્રથમ તો એ કહો!

                                                     - 'સત્ય' શિવમ 


તમારી અસર લાગે છે......!








મેહકી રહ્યો છે આજે પવન! તમારી અસર લાગે છે!,
નીખરી ગયું છે આખું ચમન! તમારી અસર લાગે છે!,

સૂરજનાં કિરણો ધરતીને ચુંમી, પ્રકાશિત કરે છે વાતાવરણને,
આવ્યા તમે ત્યાં ચમક્યું ભુવન! તમારી અસર લાગે છે!

કોના છે પગરવ? કોની છે આહટ? ચારો દિશાઓ ગુંજી રહી છે!
આજે ઉષા પણ થંભી ગઈ છે! તમારી અસર લાગે છે! 

પૂછ્યું નાં મુજને કોઈએ કદી પણ! કેવી છે હાલત? કેવું છે જીવન? 
આવ્યા તમે ત્યાં મેહફીલ ભરે છે! તમારી અસર લાગે છે!

કેવી સફર છે? કેવો છે રસ્તો? ના સુરજ ઢળે છે! ના કેડી ખૂટે છે!
ડગ પણ અચાનક થંભી ગયા છે! તમારી અસર લાગે છે!

મુજને વિચારો ઘેરી વળે છે! સ્વપ્ને મળો ત્યાં ગઝલ પણ બને છે!
શેર પણ ગઝલનાં બોલી ઉઠ્યા છે! તમારી અસર લાગે છે!

વિરહની છે વેળા! કપરા છે દિવસો! નાં શ્વાસો ખૂટે છે! નાં નાડી તૂટે છે!
ઝખ્મી હૃદય પણ ધડકી રહ્યું છે! તમારી અસર લાગે છે!

છે કંઈક દિવ્ય શક્તિ આબોહવામાં! હર ડાળ પર પંખી કલરવ કરે છે!
આજે રદીફ પણ બોલી રહ્યો છે! તમારી અસર લાગે છે!

                                                                                    - 'સત્ય' શિવમ 
   

 

છોડી ગઈ તો.........






છોડી ગઈ તો હાલ બસ, પછી વળી જોઈ જજે!
પ્રેમ જો ના થાય તો બસ, બંધનો તોડી જજે!

આ ફૂલ ચોરી પણ તને સંતોષ જો નાં થાય તો!
બાકી રહેલાં કંટકો પણ બાગથી ચોરી જજે!

બસ કયામત પ્રેમમાં આવી ગઈ છે એ હદે!
વિશ્વાસ જો નાં હોય તો આ કાળજું ખોલી જજે!

ખેંચે તને કોઈ દોર તો હું છુટ આપું હું તને!
પ્રેમની આ ગાંઠ પણ, તું હાથથી ખોલી જજે!

મારાં સમા અહી અશકો, કોઈ હાટમાં મળતાં નથી!
ત્રાજવું જો હોય તો, આ પ્રેમ પણ તોળી જજે!

છે હવે જે હાલ એ, હર આશિકોનો હોય છે! 
ખાતરી કરવા બધો, ઈતિહાસ તું ખોલી જજે!

ના કર પરખ કે 'સત્ય' કેટલું વાતમાં મારી હતું!
ઝેરનાં એ પારખાં મારા વતી છોડી જજે!

                                                       - 'સત્ય' શિવમ 
 


જોઈએ મને પણ.......




જોઈએ મને પણ આ હૃદયમાં, હવે કંઈક શમન જેવું!
લાગી રહ્યું છે કંઈક ભિતર ભાવનાનાં દહન જેવું!

ઊગે ભલે પંકજ મહી, આપો મને પણ કમળ જેવું!
કર્કશ ધ્વનિથી ત્રાસી ગયો છું! જોઈએ મને પણ કવન જેવું!

ખેડી ગયો છું એમતો હું! એવું ઘણુંય સફર જેવું!
સમજી ધરાને મેં પથારી! આકાશને મેં ભવન જેવું!

પ્રતિબિંબ જોયું જ્યાં મેં જળમાં, ઉઠ્યું અચાનક વમળ જેવું!
ભીતર જે મુજને ખેચી ગયું'તું! પાણીમાં એ ભવર જેવું!

જોતાં હું જેને થંભી ગયો તો! કંઈક હતું એ નજર જેવું!
જે કાનમાં કંઈ બોલી ગયું'તું! લાગ્યું મને એ કથન જેવું!

જ્યાં થયું'તું આગમન ત્યાં, ઘડીમાં થયું ગમન જેવું!
હજુ'ય થોડું જીવવું'તુ મારે! મારે થવું'તુ અમર જેવું!

ઉષ્મા'ય અંદર સ્પર્શી ગઈ'તી લાગ્યું મને પણ તપન જેવું!
ભડકો થયો જ્યાં આત્માનો! એવું થયું'તું હવન જેવું!

જોઈએ મને પણ આ હૃદયમાં, હવે કંઈક શમન જેવું!
લાગી રહ્યું છે કંઈક ભિતર ભાવનાનાં દહન જેવું!

                                                                - 'સત્ય' શિવમ  


 

સંસાર છોડ, ઘરબાર છોડ!

સંસાર છોડ, ઘરબાર છોડ!
વિતી ગયાની દરકાર છોડ!

જીવે છે શું! તું ગતિમય બની?
ઘડીયાળની આ રફતાર છોડ!

કઈ યુધ્ધથી એ વળતું નથી!
તલવાર-ઢાલ, અસવાર છોડ!

તું પર થઇને તું 'હું' થી હવે!
આ માન ને આ અપમાન છોડ!  

શું થશે? કેવું થશે?
તું ભાવિનાં આ અણસાર છોડ!

અશ્રું મહી તું ડૂબી ગયો!
આ આંખથી તું મલ્હાર છોડ!

 ચલ જળ સમો તું થઇ જા હવે!
આ દેહનો તું આકાર છોડ!

ક્યાં મરણ! ક્યાં જીંદગી!
કોઈ એકનો તું ચલ હાથ છોડ!

કર ફેંસલો તું આજે હવે!
બાકી બધાનો વ્યવહાર છોડ!

મીઠા વચન છોડીને બસ!
મુખથી બધા'ય અંગાર છોડ!

                                       - 'સત્ય' શિવમ 

          
 

Saturday 27 April 2013

નાં તને ખબર પડી! નાં મને ખબર પડી!






 


ક્યાંરે અચાનક બે આંખો મળી,
નાં તને ખબર પડી! નાં મને ખબર પડી!
એમ તો કેટલી'ય વાતો કરી! પણ,
નાં તને ખબર પડી! નાં મને ખબર પડી!

પેહલાં તો લાગ્યું કે વેહમ થયો છે!
પછી એવું લાગ્યું કે પ્રેમ થયો છે!
આંખો-આંખોમાં આતો ભારે કરી!
નાં તને ખબર પડી! નાં મને ખબર પડી!

કંઈક કરી દિલને મનાવવું તો પડશે!
પ્રેમ કર્યો! મક્કમ બનાવવું તો પડશે!
પ્રેમ કરી દિલમાં ક્યાં પીડા ઉભી કરી!
નાં તને ખબર પડી! નાં મને ખબર પડી!

વાત તને દિલની કરવી તો પડશે!
 હું'ય તને ચાહું છું કેહવું તો પડશે!
જાત સાથ અરીસામાં વાતો કરી!
નાં તને ખબર પડી! નાં મને ખબર પડી!

દુર હવે એક-મેકથી એમ ક્યાં રહેવાય છે,
હું'ય તને ચાહું છું એમ ક્યાં કેહવાય છે,
 સપનાં જોઈ નેં કેવી રાતો મઢી,
નાં તને ખબર પડી! નાં મને ખબર પડી!

પણ એક દી અચાનક તારું આવીને મળવું!
મારી સામે જોઈ ને આંખોનું ઢળવું,
અઢી અક્ષરની ક્યારે બંધાઈ ગઈ કડી,
નાં તને ખબર પડી! નાં મને ખબર પડી!

આમ જ  જીવનભર હવે સાથે રહીશું,
સાથે જીવીશું ને સાથે મરીશું!
આંખો-આંખોમાં કેવી શરતો કરી,
નાં તને ખબર પડી! નાં મને ખબર પડી!
  

                                                  - 'સત્ય' શિવમ 
                                                    27/4/2013

પ્રેમ કર!




 

મન રાગ-દ્વેષથી તું દુર કર,
 તું પ્રેમ કર! બસ પ્રેમ કર!
ઊઠ જાગ તું'ય કલશોર કર, 
તું પ્રેમ કર! બસ પ્રેમ કર!

ચલ છોડ તું એ જંજાળ ને!
 ઈર્ષા ભરેલ સંસારને!
છૂટો બધો'ય અવેશ કર, 
તું પ્રેમ કર! બસ પ્રેમ કર! 

કેટલો મધુર એક રાગ છે,
ખુશ્બુ ભરેલ એક બાગ છે,
અંતર મહી તું આદેશ કર,
તું પ્રેમ કર! બસ પ્રેમ કર!

ચિંતા ન કર, દુવિધા ન કર,
મળેશ તને'ય! ઈર્ષા ન કર.
મન ભાવથી તું ભરપુર કર,
તું પ્રેમ કર! બસ પ્રેમ કર!

ટીપું મળે તો ગાગર બને, 
ગાગર મળે તો સાગર બને.
ચલ તું'ય કર શ્રી ગણેશ કર,
તું પ્રેમ કર! બસ પ્રેમ કર!

શું 'સત્ય' છે? શું જૂઠ છે?
 શું ભેસ છે? શું રૂપ છે?
 વાતો મહી તું મિથ્યા ન કર,
તું પ્રેમ કર! બસ પ્રેમ કર!

                                                            - 'સત્ય' શિવમ  
                                                                 27/4/2013     
 

ચોખ્ખી ચટ વાત





ચોખ્ખી ચટ વાત કરો, ઉખાણાં મને નહિ ફાવે!
આંખોથી આંખોનાં ઈશારા મને નહિ ફાવે!

 ડગ ભરો ક્યાં સાથ મારી! ક્યાં મૂકી દો હાથ આ!
મારગ મહી આ હર ક્ષણે વિસામાં મને નહિ ફાવે!
 
ઊંઘનો હું ત્યાગ દઈ, જાગ્યો અહી વર્ષો લગી!
 કાચી તમારી ઊંઘના બગાસાં મને નહિ ફાવે!

ઈચ્છા બધી છોડી હવે, જીવતાં શીખી લેજો તમે!
હર ઘડી રડતાં હ્રદયનાં નિસાસા મને નહિ ફાવે!

સ્વપ્ન ક્યાં આપો મને, ક્યાં 'સત્ય' આપી દો મને!
અડધી અધુરી આસનાં દિલાસા મને નહિ ફાવે !

                                                                                    - 'સત્ય' શિવમ           
                                                                            27/4/2013

પડઘાં




જ્યાં કરું હું પ્રાર્થના પડઘાં મને સંભળાય છે!
અવાજ મારો ખુદ હવે આવી મને અથડાય છે!

ત્રાસી ગયો લાગે છે ઈશ્વર, એ હવે અકળાય છે!
એટલે તો આભમાં આ વાદળો ટકરાય છે!

સાચું કહું તો આ દશાથી દિલ હવે ગભરાય છે!
હાથ ઝાલી લે ખુદા તારી કમી વર્તાય છે!

કપરાં સમયનાં મારથી એવી દશા બદલાય છે!
રાજસી એક જ્શન પણ માતમ મહી પલટાય છે!

બે ઘુંટ જો જોઈએ તને, તો જામ આપું હું તને! 
કેટલાં જનમની છે તરસ? આખી નદી પી જાય છે!

ક્યાં તો રડું છું આંખથી! ક્યાં તો લખું છું હું ગઝલ!
તોય પણ તુજ ને હજુ આ દર્દ ક્યાં દેખાય છે?

                                                                           - 'સત્ય' શિવમ