પરીક્ષા
જો ખુદા કેવી કસોટી લાગણી થાય છે,
પ્રેમને ગાંડી સભામાં આંધળો કહેવાય છે.
પાબંદીઓ છો સો લગાડી કપરી પરીક્ષા થાય છે,
ધર્મ-દેશની સાંકળોથી અહી પ્રેમ પણ બંધાય છે.
પ્રેમ છે ! આ સંબંધને મોભનો છે લોભ શો ??
તોય જો અહી ભર બજારે પ્રેમ પણ તોળાય છે.
પ્રેમનો અહી નાશ કરવા જો તાકાત હોય છે કેટલી ??
પાબંદીઓના ભારથી અહી પ્રેમ ફાંસી થાય છે.
અંગાર છે આ પ્રેમનો કંઈ એમ તો બુજશે નહિ !
જો મળે થોડી હવા પળમાં જ ભડકો થાય છે.
તાકાત હોય જો માનવી તું પ્રેમ ને તોડી તો જો !
આશકીના સૌ ફેસલા તલવારના વારે થાય છે.
થઈ ગયો છે સ્વાર્થ માત્ર ધર્મ આ સંસારનો,
ધન દોલતનો લોભ અહી પ્રેમ સાથે સરખાય છે.
તોડશે જો 'સત્ય' પ્રેમને કોઈ અડધા માર્ગમાં,
મિલન ફરીથી હર જનમ હરેક આયુ થાય છે.
- ' સત્ય ' શિવમ
No comments:
Post a Comment