બની જા ........
તું ઝરમર વરસતું પાણી બની જા, હું બની જઉં વાદળ.
પ્રેમની કોઈ કલમ તું બની જા, હું બની જઉં કાગળ.
તાજી ઊગેલી સવાર તું બની જા, વસંત જેવી સરભર.
કોઈ મેહેકતું ફૂલ તું બની જા, હું બની જાઉં ઝાકળ.
પ્રેમનો તું કોઈ તું પત્ર બની જા, હું બની જઉં અત્તર,
શેરના મારા તું શબ્દો બની જા, હું બની જઉં ગઝલ.
પ્રેમ રસ બની તું મુજને ભરી જા, હું બની જઉં ગાગર.
ચંચળ ઊછળતું કોઈ મોજું બની જા, હું બની સાગર.
પૂનમની કોઈ રાત તું બની જા, દુલહન જેવી સુંદર.
જગમગ તું આખું આભ તું બની જા, હું બની જઉં ચંદર.
ખળખળ વેહતી કોઈ નદી તું બની જા, હું બની જઉં પર્વત.
ઉછળતી કુદતી તું મુંજને મળી જા, હું બની જઉં સાગર.
શ્વાસ જેવું અકળ 'સત્ય' તું બની જા, આ આયુ તુજને નિર્ભર,
મીઠું સ્વપ્ન થઇ તું મુજને મળી જા , હું બની જઉં પાપણ.
- 'સત્ય' શિવમ
No comments:
Post a Comment