Saturday 16 February 2013

ચાલ ફરીથી .......

ચાલ ફરીથી .......



ચાલ ફરીથી આજે  કોઈ કાગળ કલમ બનીએ ,
પ્રેમની ચાલ પ્રેમથી ભરેલી, કોઈ નઝમ બનીએ.

છોડીએ બધી જફાઓ ચાલ,આ સ્વાર્થી દુનિયાની,
હસતા આપણે હસાવીએ સૌને, ચાલ હઝલ બનીએ.

બેબાકળા થઇ દોડે છે જો બધા'ય આખા ગામમાં,
 નિરાંત આપીએ સૌને, કોઈ ખેતમાં ફસલ બનીએ.

પ્રેમમાં સાથે જ્યાં, ડગ માંડી જ દીધા છે તો ,
પાછાના વળાય હવે ચાલ સફર બનીએ.   

અડધા સફરમાં આમ, હાથ છોડી તો ના દે!
માર્ગ હજુ ઘણો બાકી છે ચાલ મંઝલ બનીએ.

 કડવા સત્યની જ તો, પ્રથા રહી છે સમાજની,
ચાલ મીઠું પરોઢીયાનું કોઈ સ્વપ્ન બનીએ.

ઠોકરોથી મળતા દર્દમાં હવે મજા જ ક્યાં છે ?
ચાલને આ દિલનું મીઠું, કોઈ દર્દ બનીએ.
 
ચાલને કોઈ સ્વર્ગમાં, સાથે વિતાવશું આયુ !
સ્વપ્નમાં શું રાખ્યું છે ? ચાલને 'સત્ય' બનીએ.   

                                                 - 'સત્ય' શિવમ 

No comments:

Post a Comment