આવી જજો......
શ્રી।। મેં ઘરનાં બારણે લખ્યું છે,
બસ સમયસર પગલાં પાડી જજો.
જરૂરત છે તમારી ડગલે ને પગલે,
ઠોકર નડે ત્યાં હાથ ઝાલી જજો.
આવજો સાથે ચાલવાનો છે રસ્તો,
મંઝિલ થઇ મંઝિલ બતાવી જજો.
સોને મઢવાની જરૂરત પણ ક્યાં છે?
બસ નામ પથ્થર પર ટંકાવી જજો.
ઊઠવા સવારે તમારી જરૂરત પડે છે.
પરોઢિયે સાદ મીઠો પાડી જજો .
ફૂલ બની હું ખીલું વળી જ્યાં જ્યાં,
ઝાંકળ બની ત્યાં ત્યાં આવી જજો.
જોઈ પ્રેમ આપણો સૌ ભડકે છે,
થઇ મલ્હાર આગ એ બુઝાવી જજો.
ઘરની દિવાલો રાહ તમારી જુએ છે,
સારા મુહરતીયે થાપા પડી જજો.
લક્ષ્મી જેવા શુભ પગલા છે તમારા,
ભાગ અમારા પણ જગાવી જજો.
તમારા સપના જ ક્યાં લગી જોયા કરું હું?
'સત્ય' થઇ સાથ આયુ વિતાવી જજો.
- 'સત્ય' શિવમ
No comments:
Post a Comment