અપરાધ ....

અપરાધ ....

વિશ્વાસ તારો કરવો ખુદા અપરાધ જાણે થઇ ગયો ,

હાથ ફેલાવી  તારી સામે હું ખાલી રડતો રહી ગયો.

નિર્દોષને તકલીફ આપી તુંય હસતો થઇ ગયો,

નિસહાય નજરોથી ખાલી હું તુજને જોતો રહી ગયો.

આદમી જેવો મતલબી સંસાર તારો થઇ ગયો ,

બસ જરૂરતના સમયે જ તું ખેલ જોતો રહી ગયો.

મોહ અને લાલચ ભર્યા તું ખેલ રચતો થઇ ગયો,

આદમી જ જો આદમીમાં ભેદ કરતો થઇ ગયો.

આદમી જો પ્રેમનો પણ ભાવ કરતો થઇ ગયો,

સઘળા જીવનના છોડી સરખામણીમાં રહી ગયો.

તોડી રહ્યો તે પ્રેમને બેફામ સબંધના નામ પર,

સંસારની અંધારી ગુફામાં પ્રેમનો પડઘો રહી ગયો.

સમજી શકે જો તુંય મુજ ને એહસાન એક કરતો જજે ,

શું કરું જીવી ને હું આયુ મારો અર્થ નિરર્થક થઇ ગયો.

હસતો હશે તુંય મુજ પર, ગર્વ પણ કરતો હશે ,

કે ગ્રંથ કોરો ' સત્ય 'ની વારતા નો રહી ગયો.

                                        - ' સત્ય ' શિવમ