નિત નવા ચેહરા ......
નિત નવા ચેહરા હું જોતો રહું છું,
લખું છું કલમથી ને કોરો રહું છું.
ફૂલ ઇચ્છાઓના ચુંટી ભરતો રહું છું,
કારણ વગર સંસારમાં ફરતો રહું છું.
રોજ બે-ચાર પાપ બીજા કરતો રહું છું,
ને ફરી વેહતી ગંગામાં એ ધોતો રહું છું.
પથ્થરનાં ભગવાનથી હું ડરતો રહું છું,
હાથમાં મંજીરા લઇ બસ ભજતો રહું છું.
મસ્કાઓનો થાળ ત્યાં હું ધરતો રહું છું,
ને રોજ નવી માંગણી હું કરતો રહું છું.
જાણું છું એક દી ચાલ્યો જવાનો અહીંથી,
તોય બેકારમાં મોતથી હું ડરતો રહું છું.
જનુનમાં ને જનુંનમાં જીતી લઉં છું જગને,
ખુદ સામે જ ઘુંટ હારનાં હું ભરતો રહું છું.
જીવતે જીવતર ડૂબી હું આખી આયુ પ્રેમમાં,
'સત્ય' જો મર્યા પછી શબ થઇ તરતો રહું છું.
- 'સત્ય' શિવમ
No comments:
Post a Comment