સારો માણસ લાગે છે, આ માણસને ઠાર કરી દો,
આખા બોલો લાગે છે, આ માણસને ઠાર કરી દો.
હસીને સૌ ને મળશે એ, સારી વાતો કરશે એ,
આશાવાદી લાગે છે, આ માણસને ઠાર કરી દો.
જન-જનને ભડકાવે છે, સાચો માર્ગ બતાવે છે,
ગાંધીવાદી લાગે છે, આ માણસને ઠાર કરી દો.
સાચી કસમો ભરશે એ, પછી આગમાં બળશે એ,
સાચો પ્રેમી લાગે છે, આ માણસને ઠાર કરી દો.
સત્ય હમેશા બોલે છે, દેશને ઉજ્વળ જોવે છે,
ગાંડો માણસ લાગે છે, આ માણસને ઠાર કરી દો.
- 'સત્ય' શિવમ
No comments:
Post a Comment