પેલી વેહલી સવાર, તને મળવાનો વાર,
એમાં પેહલો વરસાદ હજુ યાદ છે.
ભીની ભીની સુગંધ, એમાં ફૂલોનો રંગ,
અને મીઠી તરંગ હજુ યાદ છે.
તને મળતાં એ ગીત! એનું મીઠું સંગીત,
એની વધતી એ પ્રીત હજુ યાદ છે.
નવો મનમાં ઉમંગ, અને ભીંજેલું અંગ,
તારી મેંહદીનો રંગ હજુ યાદ છે.
આંખો આંખોમાં વાત, એમાં ચડતો ઉન્માદ,
તારા હાથોમાં હાથ હજુ યાદ છે.
ઘણાં વર્ષોની તર્સ, પછી પેહલો એ સ્પર્શ,
તારો મીઠો સંસર્ગ હજુ યાદ છે.
તારું મેહ્કન્તું સ્મિત! મારાં મનનું એ મિત,
મારું જીવન સંગીત હજુ યાદ છે.
પછી ઢળતી એ રાત, છુટા પડવાની વાત,
અને રડવાનું સાથ હજુ યાદ છે.
- 'સત્ય' શિવમ
No comments:
Post a Comment