વિચારું છું એમ જ હું આજે કે ! શું કહું તમને ?
કે તમને પ્રેમ કરવાનું કોઈ કારણ હોય? શું કહું તમને?
તમે છો પર્વતોથી નિકળતું કોઈ ઝરણું ! શું કહું તમને ?
ને સાગરમાં ઊછળતું કોઈ ચંચળ મોજું ! શું કહું તમને ?
કે વિકાસ છો વસંતનો પાનખરમાં તમે ! શું કહું તમને ?
કે ઉગતું હોય કળીમાંથી કોઈ ફૂલ જાણે ! શું કહું તમને ?
કે હો તમે તાજું ખીલેલું ફૂલ ગુલાબનું ! શું કહું તમને ?
ને હું બની જઉં કોઈ ઝાકળ બિંદુ ! શું કહું તમને ?
હસો જયારે શરમથી તમે આમ મારી સામે ! શું કહું તમને?
ને ઊગી હોય રાતમાં કોઈ પ્રભાત જાણે ! શું કહું તમને ?
તમારી યાદો આવવાનું કોઈ કારણ માંગે ? શું કહું તમને ?
ચડી જાઉં છું આમ જ એમ જ વિચારે ! શું કહું તમને ?
જાણે 'સત્ય' હો તમે કોઈ અકળ કુદરતનું ! શું કહું તમને ?
વિતાવી જોઉં તમને જોઈ આખી આયુ ! શું કહું તમને ?
- ' સત્ય ' શિવમ
No comments:
Post a Comment