ન યાદ આવ આમ
ન યાદ આવ આમ કે તું મારો શ્વાસ થઇ જાય ,
ને યાદ એ પછી યાદ ના રહે આભાસ થઇ જાય .
સ્વપ્નોમાં આવી દરોજ તું પ્રેમની સો વાત કહી જાય ,
ને પછી સ્વપ્નોની દુનિયાની આંખોમાં છાપ રહી જાય .
જાગી જઉં ભલે એમ જ હાથ છોડી સ્વપ્નોનો હું ક્યાંક,
પણ આંખોમાં તારા નામની જ જાણે રાત રહી જાય.
ક્યાંક ચાલ્યા હોય સાથ તું અને હું કોઈ એકાદ માર્ગમાં,
મંઝિલ ભલે હોય સામે બસ હાથમાં જાણે હાથ રહી જાય .
હું ભૂલી જાઉં છું એટલે જ મારું સર્વસ્વ તારી પાસે ,
ભલે ને યાદ હોય પણ આ દિલ તારી પાસ રહી જાય .
ભલે ને હોય સાથ મારી તું હર પળ હર ક્ષણ હંમેશા ,
પણ જીદ્દી હૃદયને આમ સંતોષ ક્યાંથી થઇ જાય .
એટલે જ વાટ જોઉં છું હું હવે દરેક માર્ગમાં તારી ,
કે બસ આમ બે-ચાર ઘડી ફરી તારો સાથ થઇ જાય.
હવે તારી સાથે જ મારે જીવવાની છે આખી આયુ ,
'સત્ય' પ્રેમ તારો મારો હવે અમર ઇતિહાસ થઇ જાય .
- ' સત્ય ' શિવમ
No comments:
Post a Comment