ગઝલ હું લખું .......
ક્યાંક આવી મળો તો ગઝલ હું લખું,
હદ વટાવી મળો તો ગઝલ હું લખું.
તાણી છે દિવાલો આ જુલ્મી સમાજે,
એ હટાવી મળો તો ગઝલ હું લખું.
હું જાણું છું સીધો રસ્તો છે તમારો,
મારગ વળી મળો તો ગઝલ હું લખું.
ઉભો છું પાછળ આગળ ચાલ્યાં ગયા તમે,
પાછાં આવી મળો તો ગઝલ હું લખું.
અશક્ત છું હું! મને જરૂરત છે તમારી,
શ્વાસ થઇને મળો તો ગઝલ હું લખું.
સ્વપ્ન થઇ મારે, મળવું છે તમને! ,
આંખ થઇને મળો તો ગઝલ હું લખું.
દિલથી નજીક છો તો અંતર શું કામનું ?
હાથ ઝાલી મળો તો ગઝલ હું લખું.
ઉડવા તો આખું'ય આકાશ છે ખાલી,
પાંખ થઇને મળો તો ગઝલ હું લખું.
વરશોથી તરસ્યું રણ છું જરા હું,
જળ થઇને મળો તો ગઝલ હું લખું.
જોઈ તમને લાગે કે જીવું છું હું પણ,
પ્રાણ થઇને મળો તો ગઝલ હું લખું.
સ્વપ્નોથી જ ક્યાંથી વિતશે આ આયુ,
'સત્ય' થઇને મળો તો ગઝલ હું લખું.
- 'સત્ય' શિવમ
No comments:
Post a Comment