ગઝલ અઢી અક્ષરની ............

ગઝલ અઢી અક્ષરની ............ 

અઢી અક્ષરની ગઝલ મેં લખી છે, તું શબ્દો સાચવી રાખજે,

સૂરજ થઈ ભલે ઉગજે શિયાળે, પણ તડકો સાચવી રાખજે.

તું વૃક્ષ છે જો પારીજાતનું, તો પુષ્પો સાચવી રાખજે,

ઊનાળે તું દેજે શીતળતા, તારો છાયો સાચવી રાખજે.

ચાલું છું તારા પગલે, તો એ રસ્તો સાચવી રાખજે.

તું જ તો છે મંઝીલ મારી, મારો મંઝલ સાચવી રાખજે.

મંદિર કર્યું છે તારું હૃદયમાં, તો એ મુરત સાચવી રાખજે,

નમું છું તુજને જ હું નિશદિન, મારો ઈશ્વર સાચવી રાખજે.

સમય છે વીતી જશે એ પણ, તું સમરણો સાચવી રાખજે,

તારો જ છું ને રહીશ હું તારો, બસ વિશ્વાસ સાચવી રાખજે.

મત્સ્ય હું છું ને તું મારું જળ છે, મારો પ્રાણ સાચવી રાખજે,

તારા સહારે હું જીવી રહ્યો છું, મારો શ્વાસ સાચવી રાખજે.

ક્યાંક તું જો વિરહથી બળે, તો એ અશ્કો સાચવી રાખજે,

ના ગણતી તું દિવસો વિરહનાં, એ અંકો સાચવી રાખજે.

જૂઠ થઇ જમાનો સામે ઉભો છે, મારું 'સત્ય' સાચવી રાખજે.

લાઢતો રહીશ હું આખી આયુ, મારું સ્વપ્ન સાચવી રાખજે.

                                                             -  'સત્ય' શિવમ