આંસુઓ પણ એકલો છોડી ગયા મને .......
આંસુઓ પણ એકલો છોડી ગયા મને,
પાણી થઇ માટીમાં એ ઢોળી ગયા મને.
કાંચ સમજી બેઠા હશે મને પણ એ લોકો ,
ટુકડાઓમાં ચુર ચુર જે તોડી ગયા મને.
જરૂરતની ઘડીએ બસ હાથ તેં છોડી દીધો
ઠોકર ખાતો એકલો બસ છોડી ગયા મને.
લેતો જા તું પણ થોડો, પ્રાણ છે જે બાકી,
ખજાનો સમજી એમ પણ એ ચોરી ગયા મને.
શોધશે લોકો મને ત્યાં મારા મરણ પછી,
બેદરકાર થઇ જે રાખમાં ખોવી ગયા મને.
તારું લખેલું કદાચ, ગમ્યું નહિ હોય એમને,
એટલે જ એ સાહી સમજી ઢોળી ગયા મને.
બેસી મુરતમાં ખેલ તું, બસ જોતો રહ્યો બધા,
ખેલ સમજી એમજ બસ એ ખેલી ગયા મને.
પ્યાલો પણ તેં ગમનો, ભર્યો તો કેવો સાકી!,
જામ બનાવી એકલો એ પીલાવી ગયા મને.
મેહેકવું એ બાગમાં ગુનો હશે જ કોઈ,
ફૂલ સમજી હાથથી એ ચુંટી ગયા મને.
નામથી બસ તારા, પથ્થરો જ તરતાં હશે,
તારા નામ પર દરિયે એ ડુબોવી ગયા મને.
રક્ત થઇ આંખથી, આખી આયુ વેહતો રહ્યો,
ને કંકુ સમજી માંગમાં એ લગાવી ગયા મને.
ને હું શાયર આંધળો કલમથી લખતો રહ્યો,
એ 'સત્ય' સમજી ત્રાજવે તોળી ગયા મને.
- 'સત્ય' શિવમ
No comments:
Post a Comment