નાં દેખ આ સંદેહથી, ખુલ્લી કિતાબ છું,
તોય હું તુજથી હજું, કેવો અતાગ છું!
જાતથી હું એમ તો, સંપૂર્ણ રાગ છું!
ચાંદ, સુર્ય, આભને ધરતીનો ભાગ છું.
ક્યાંક હું છલકી જઉ, માતાનાં પ્રેમમાં,
ક્યાંક ઈર્ષા-ક્રોધની બળતી હું આગ છું!
મેઘમાં વરસી જઉં, જળમાં હું સ્નેહ થઇ,
ક્યાંક કોઈ ખેતમાં જળની હું પ્યાસ છું!
ક્યાંક હું નજરે ચડું, કડકડતી ભૂખમાં,
ક્યાંક તુટતા ઘર મહી બનતી તિરાડ છું!
ક્યાંક શંખ નાદ થઇ, ગુંજુ હું યુદ્ધમાં,
તો ક્યાંક ભસ્મ સાથ હું, ડમરુંનો નાદ છું!
છે 'સત્ય' શું આ વાતનું નાદાન તું સમજ,
હર એક તારા પ્રશ્નનો, પુરતો જવાબ છું!
- 'સત્ય' શિવમ
No comments:
Post a Comment