દર્પણને જોઈ, મને મળતી તો હોઈશ!
યાદ જરા તું પણ, મને કરતી તો હોઈશ!
ઝોકાંથી ઉડતી, એ કાળી લટોને તું!
હળવેથી કાનો પર, મુકાતી તો હોઈશ!
યાદ જરા તું પણ........
જોવે ન'ઈ કોઈ એમ, ડાયરીનાં પાનાં પર,
નામ મારું તું પણ, ક્યાંક લખતી તો હોઇશ!
યાદ જરા તું પણ.......
યાદ મારી આવે ત્યાં! ધાબા પર બેસીને!
ચાંદ સાથે વાતો પણ, કરતી તો હોઈશ!
યાદ જરા તું પણ........
નામ મારું આવે ત્યાં, અંદર ને અંદર તું!
શરમાઈ થોડું, મલકાતી તો હોઈશ!
યાદ જરા તું પણ..........
અંદરથી હોય ભલે દુઃખનું સમુંદર! પણ
લોકોની માટે તું હસતી તો હોઈશ!
યાદ જરા તું પણ............
ભીની એ આંખોનું, કારણ કોઈ પૂછે તો!
કંકરનાં નામે તું, રડતી તો હોઈશ!
યાદ જરા તું પણ...........
હાથોમાં હાથ એમાં, ફરવાનું સાથે!
એમ સ્વપ્નોમાં, રોજ મને મળતી તો હોઈશ!
યાદ જરા તું પણ...........
- 'સત્ય' શિવમ
No comments:
Post a Comment