હર ઘડી હર ક્ષણ ભરેલી, શૂન્યતાનો ઈલાજ કર,
આ હૃદયમાં વિસ્તરેલી, વેદનાનો ઈલાજ કર.
છે સૂર્ય તું ને હું હવે, સૂરજમુખીની જાત છું,
હર રોજ ઢળતી આ, ઘનેરી સાંજનો તું ઈલાજ કર.
હા, છોડી ગઈ છે હાથ તું, પણ બંધનો છૂટતા નથી,
મારાં મહી તારાં થયેલા, વાસનો તું ઈલાજ કર.
ના કર પરીક્ષા આ હદે, મારા કરેલા પ્રેમની,
આ ભાસ ને આભાસનાં કોઈ ભેદનો તો ઈલાજ કર!
કોરી પડી આખી ધરા બે બુંદ પણ વરસી નહિ,
આ આંખમાં આવી રડ્યું છે આભ તું ઈલાજ કર.
છે 'સત્ય' કે આ પ્રેમમાં, આવી જલન પણ થાય છે,
હર રોજ ભડકે આ હૃદયમાં આગ છે તું ઈલાજ કર.
- 'સત્ય' શિવમ
No comments:
Post a Comment