લાગી રહ્યું છે કંઈક ભિતર ભાવનાનાં દહન જેવું!
ઊગે ભલે પંકજ મહી, આપો મને પણ કમળ જેવું!
કર્કશ ધ્વનિથી ત્રાસી ગયો છું! જોઈએ મને પણ કવન જેવું!
ખેડી ગયો છું એમતો હું! એવું ઘણુંય સફર જેવું!
સમજી ધરાને મેં પથારી! આકાશને મેં ભવન જેવું!
પ્રતિબિંબ જોયું જ્યાં મેં જળમાં, ઉઠ્યું અચાનક વમળ જેવું!
ભીતર જે મુજને ખેચી ગયું'તું! પાણીમાં એ ભવર જેવું!
જોતાં હું જેને થંભી ગયો તો! કંઈક હતું એ નજર જેવું!
જે કાનમાં કંઈ બોલી ગયું'તું! લાગ્યું મને એ કથન જેવું!
જ્યાં થયું'તું આગમન ત્યાં, ઘડીમાં થયું ગમન જેવું!
હજુ'ય થોડું જીવવું'તુ મારે! મારે થવું'તુ અમર જેવું!
ઉષ્મા'ય અંદર સ્પર્શી ગઈ'તી લાગ્યું મને પણ તપન જેવું!
ભડકો થયો જ્યાં આત્માનો! એવું થયું'તું હવન જેવું!
જોઈએ મને પણ આ હૃદયમાં, હવે કંઈક શમન જેવું!
લાગી રહ્યું છે કંઈક ભિતર ભાવનાનાં દહન જેવું!
- 'સત્ય' શિવમ
No comments:
Post a Comment