ક્યાંક ઈશ્વર મળે તો જાઉં બચી!
એ સ્પર્શે મને તો જાઉં બચી!
સુરજમુખી થઇ હું કરમાઈ ન જાઉં!
ક્યાંક તડકો મળે તો જાઉં બચી!
આ સ્વર્ગ કે ધરતી? ક્યાં ઈશ્વરનું ઘર છે!
કોઈ રસ્તો મળે તો જાઉં બચી!
અસમંજસ છે કલ્પોની પૂછી રહ્યો છું!
કોઈ ઉત્તર મળે તો જાઉં બચી!
દ્વાર કોઈ ઈશ્વરનો શોધીને આપો!
કોઈ પરચો મળે તો જાઉં બચી!
તાવીજ સમજી જે સંઘરી હું રાખું,
એ પથ્થર મળે તો જાઉં બચી!
આ દર્દ છે કેવું? કોઈ ઈલાજ તો આપો!
કોઈ કળતર મળે તો જાઉં બચી!
ઝખ્મો ઉઘાડાં આ દિલનાં થયા છે!
કોઈ અસ્તર મળે તો જાઉં બચી!
આઘેથી ખુશીઓના મૃગજળ તો જોયા!
ક્યાંક સાગર મળે તો જાઉં બચી!
હાથ ખોલી હું ઉપર નજરો કરું છું!
કોઈ પકડે મને તો જાઉં બચી!
'સત્ય'નાં માર્ગ પર ચાલી રહ્યો છું!
હવે મંઝીલ મળે તો જાઉં બચી!
- 'સત્ય' શિવમ
8/4/2013
No comments:
Post a Comment