જ્યાં કરું હું પ્રાર્થના પડઘાં મને સંભળાય છે!
અવાજ મારો ખુદ હવે આવી મને અથડાય છે!
ત્રાસી ગયો લાગે છે ઈશ્વર, એ હવે અકળાય છે!
એટલે તો આભમાં આ વાદળો ટકરાય છે!
સાચું કહું તો આ દશાથી દિલ હવે ગભરાય છે!
હાથ ઝાલી લે ખુદા તારી કમી વર્તાય છે!
કપરાં સમયનાં મારથી એવી દશા બદલાય છે!
રાજસી એક જ્શન પણ માતમ મહી પલટાય છે!
બે ઘુંટ જો જોઈએ તને, તો જામ આપું હું તને!
કેટલાં જનમની છે તરસ? આખી નદી પી જાય છે!
ક્યાં તો રડું છું આંખથી! ક્યાં તો લખું છું હું ગઝલ!
તોય પણ તુજ ને હજુ આ દર્દ ક્યાં દેખાય છે?
- 'સત્ય' શિવમ
No comments:
Post a Comment