મન રાગ-દ્વેષથી તું દુર કર,
તું પ્રેમ કર! બસ પ્રેમ કર!
ઊઠ જાગ તું'ય કલશોર કર,
તું પ્રેમ કર! બસ પ્રેમ કર!
ચલ છોડ તું એ જંજાળ ને!
ઈર્ષા ભરેલ સંસારને!
છૂટો બધો'ય અવેશ કર,
તું પ્રેમ કર! બસ પ્રેમ કર!
કેટલો મધુર એક રાગ છે,
ખુશ્બુ ભરેલ એક બાગ છે,
અંતર મહી તું આદેશ કર,
તું પ્રેમ કર! બસ પ્રેમ કર!
ચિંતા ન કર, દુવિધા ન કર,
મળેશ તને'ય! ઈર્ષા ન કર.
મન ભાવથી તું ભરપુર કર,
તું પ્રેમ કર! બસ પ્રેમ કર!
ટીપું મળે તો ગાગર બને,
ગાગર મળે તો સાગર બને.
ચલ તું'ય કર શ્રી ગણેશ કર,
તું પ્રેમ કર! બસ પ્રેમ કર!
શું 'સત્ય' છે? શું જૂઠ છે?
શું ભેસ છે? શું રૂપ છે?
વાતો મહી તું મિથ્યા ન કર,
તું પ્રેમ કર! બસ પ્રેમ કર!
- 'સત્ય' શિવમ
27/4/2013
No comments:
Post a Comment