વર્ષોથી ભૂખ્યો છું મને પ્રેમ આપો!
ચાતક સમ તરસ્યો છું મને પ્રેમ આપો!
લાખોની વસ્તીમાં એકલો છું કેવો!
લોકોથી અળગો છું મને પ્રેમ આપો!
એકલતા મારી જાણે ભરખી ગઈ મુજને,
ચીસ પાડી કંણસ્યો છું મને પ્રેમ આપો!
કપરો આ તાપ એમાં, કપરો છે રસ્તો!
ઠોકર ખઈ લથડ્યો છું મને પ્રેમ આપો!
ઈશ્વરને છોડી હું તમને ભજ્યો છું!
તમને હું સ્પર્શ્યો છું મને પ્રેમ આપો!
જીવન મરજીવો થઇ જીવ્યો છું એવું!
મોત લઇ ડૂબ્યો છું મને પ્રેમ આપો!
બાળી હું ખુદને પ્રકાશું છું જગને!
દીવો જળહળતો છું મને પ્રેમ આપો!
જીવન-મરણમાં એક ડગનું છે અંતર,
શ્વાસ થઇ અટક્યો છું મને પ્રેમ આપો!
કોણ જાણે કિસ્મતમાં પ્રતિક્ષા છે કેવી?
સાત જન્મોથી તડપ્યો છું મને પ્રેમ આપો!
કલ્પનાં ને યાદોમાં વીતે છે જીવન!
સ્મરણોથી જીવતો છું મને પ્રેમ આપો!
આ અંધારી રાતોનું 'સત્ય' પણ છે કેવું!
સ્વપ્નો લઇ સુતો છું મને પ્રેમ આપો!
- 'સત્ય' શિવમ
9/4/2013
No comments:
Post a Comment