કેટલું કઠીન છે .......
કેટલું કઠીન છે જો રેહવું હવે એક પળ તારા વિના,
જાણે રાતનું આકાશ સુનું ચન્દ્ર ને તારા વિના.
કળી જાણે ખરી જાય કોઈ એમ જ હવે ખીલ્યા વિના ,
કે ઢાલ પણ છોડી દે સાથ તલવારને ઝીલ્યા વિના.
વહાણ પણ ડૂબી ગયા મધદરિયે હવે તર્યા વિના ,
શૃંગાર જાણે સુનો થયો તારી નજરે નીરખ્યા વિના.
સૂર્ય પણ ઢળતો ગયો જાણે રાતના ઢળ્યા વિના,
સંસાર જાણે સુનો જ લાગે બે ઘડી પણ તારા વિના.
હર જગા આભાસથી તારા સ્પર્શને ઝૂરતો રહું,
કેમ તું ચાલી ગઈ આજે આમ મલકાયા વિના.
હોય છો સુંદર ભલે પણ આ રૂપનો છે અર્થ શો?
ખીલ્યા વિના જ વૃધ્ધ થઇ જાય તુજથી સ્પર્શાયા વિના.
વીતી ગઈ આ ઈદ પણ એમ જ તારી રાહમાં ,
રાત એમ જ વીતી ગઈ ચાંદ દેખાયા વિના.
જામ ખાલી થઇ રહ્યો છે આજ મેહ્ખાને બધા,
સુરા જાણે તરસ્યા રહ્યા આજ મેહ્ખાના વિના.
ચાતક સમો હું તારી ખાતર આખી આયુ તરસ્યો રહ્યો,
હરણું જાણે ઢળી ગયું કોઈ મૃગજળને સ્પર્શ્યા વિના.
આખી આયુ 'સત્ય' એમ જ તારી ખાતર તરસ્યો રહ્યો ,
ઝેર જાણે રહી ગયું કોઈ એમ જ પરખાયા વિના.
- 'સત્ય' શિવમ
No comments:
Post a Comment